Hasi da Euskaraldia Asuncion Klinikan ere!

Aurtengoa II. edizioa izango da, eta 2018an bezala, Asuncion Klinikan eta zentroetan parte hartuko dugu. 2018. urtearen amaieran urrats garrantzitsuak eman ziren Euskaraldia ekimenaren barruan hizkuntza ohituren aldaketan: 11 egun euskaraz. Asunción Klinikan (Tolosa, Andoain, Ordizia eta Belate), 2019an egindako neurketaren arabera, euskararen ahozko erabilera orokorra %32koa da; leialtasuna, berriz, %69koa. Bigarren edizioan pauso berriak emango ditugu, eta norbanakoez gain, erakundeek ere neurriak hartuko dituzte hizkuntza praktika berriak bultzatzeko.

Ariguneak dira aurtengo berrikuntza nagusia. Ariguneak euskaraz aritzeko guneak dira eta euskaraz hitz egiteko aukera bermatzen dute uneoro, izan entitate barruan edo izan entitateak herritarrekin duen harremanean. Klinikan eta zentroetan guztira 14 arigune identifikatu ditugu eta bertako 35-40 kideekin konpromisoak sustatu ditugu ekimenak irauten duen bitartean euskararen erabilera bultzatzeko.

ASUNCIÓN KLINIKA (Tolosa)

• Mantenimendua

• Informatika

• Administrazioa

• Harrera

• Kontsultak

---

BELATE ZENTRO MEDIKOAN

• Harrera

---

ORDIZIA ZENTRO MEDIKOAN

• Harrera

• Errehabilitazioa

---

ANDOAIN ZENTRO MEDIKOAN

• Harrera

Euskaraldiaz aparte, Klinikako Euskara Batzordeak helburu nagusi batzuk aurten bideratu dituzte, hala ere. Adibidez, euskara ez dakiten langileentzako lanean gehien erabiltzen dituzten esaldi eta espresioen liburuxka osatzen ari dira. Bestalde, langileen ezagutza datuak ere eguneratu ditugu aurten, eta sare sozialen bidez urteko helburu nagusien komunikazioa egin dugu.